„ეს არის ის გამარჯვება, რომლისთვისაც მე ბოლომდე ვიბრძოლებ და დავიცავ“, – ამის შესახებ „ქართული ოცნების” თიანეთის მერობის კანდიდატმა ლელა ქიტესაშვილმა თბილისის სააპელაციო სასამართლოში განაცხადა.
ამასთან, ქიტესაშვილს მიაჩნია, რომ სააპელაციო სასამართლო მისთვის სასარგებლო გადაწყვეტილებას გამოიტანს.
„მე ვფიქრობ, რომ სააპელაციო სასამართლო გამოიტანს ჩემს სასარგებლო გადაწყვეტილებას, რადგან დარწმუნებული ვარ ჩემს სიმართლეში, ჩემს გამარჯვებაში და ეს ის ინსტანციაა, რომელიც ნამდვილად გამოიტანს ამ ობიექტურ გადაწყვეტილებას. ეს არის ის გამარჯვება, რომლისთვისაც მე ბოლომდე ვიბრძოლებ და დავიცავ“, – განაცხადა ლელა ქიტესაშვილმა.
კითხვაზე, ხომ არ ითხოვს არჩევნების ხელახლა ჩატარებას, ქიტესაშვილმა აღნიშნა, რომ ის არ ითხოვს მთლიანად გაბათილებას და მხოლოდ საოლქო კომისიის იმ მონაცემის აღდგენას მიიჩნევს მნიშვნელოვნად, რომლის მიხედვითაც თიანეთის მერის არჩევნებში სწორედ მან გაიმარჯვა.