30 ოქტომბერს საქართველოს ოფიციალური ვიზიტით ირლანდიის რესპუბლიკის სენატის თავმჯდომარე დენის ო’დონოვანი ეწვევა.
ვიზიტის ფარგლებში პირველ შეხვედრას დენის ო’დონოვანი საქართველოს პარლამენტის თავმჯდომარე ირაკლი კობახიძესთან გამართავს, რის შემდეგაც, პრესისთვის ერთობლივი განცხადება გაკეთდება.
დაგეგმილია ირლანდიის რესპუბლიკის სენატის თავმჯდომარის შეხვედრა საქართველოს პრეზიდენტ გიორგი მარგველაშვილთან, პრემიერ-მინისტრ გიორგი კვირიკაშვილთან, საგარეო საქმეთ მინიტრ მიხეილ ჯანელიძესთან და ეკონომიკისა და მდგრადი განვითარების მინისტრ გიორგი გახარიასთან.
დენის ო’დონოვანი შეხვედრას, ასევე, ევროკავშირის სადამკვირვებლო მისიის წარმომადგენლებთან გამართავს.
ირლანდიის რესპუბლიკის სენატის თავმჯდომარე ადგილზე გაეცნობა ადმინისტრაციულ საზღვარზე, სოფელ ხურვალეთთან მავთულხლართების გავლების შედეგად შექმნილ ვითარებას.
ასევე დაგეგმილია შეხვედრა ევროკავშირი-საქართველოს ბიზნეს საბჭოს გენერალურ მდივანთან, ზვიად ჭუმბურიძესთან.
ირლანდიის რესპუბლიკის სენატის თავმჯდომარე საქართველოში ოფიციალურ ვიზიტს 3 ნოემბერს დაასრულებს.