სახელმწიფო საიმიგრაციო სამსახურმა საქართველოს ყოფილ პრეზიდენტს, ოდესის ოლქის ყოფილ გუბერნატორს მიხეილ სააკაშვილს ლტოლვილის სტატუსის მისაღებად დოკუმენტების გაფორმებაზე უარი მეორედ განუცხადა. პოლიტიკოსის ადვოკატები ამ გადაწყვეტილების გასაჩივრებას სასამართლოში აპირებენ, – ამის შესახებ LIGA.net-ს სააკაშვილის იურიდიული სამსახურის ხელმძღვანელმა რუსლან ჩორნოლუცკიმ განუცხადა.
მისი თქმით, მოთხოვნა თავშესაფრის მინიჭების თაობაზე საიმიგრაციო სამსახურში სააკაშვილმა პირადად 31 ოქტომბერს შეიტანა.
„საიმიგრაციო სამსახურის გადაწყვეტილების გასაჩივრება ზემდგომ საიმიგრაციო ინსტანციაში და სასამართლოში შეიძლება. ხვალ ჩვენ სარჩელს მოვამზადებთ და შევიტანთ“, – განაცხადა ჩორნოლუცკიმ.
კომენტარები