დუშეთში, საქართველოს ჩემპიონატზე, ქართველმა ძალოსანმა, მოქმედმა ოლიმპიურმა ჩემპიონმა ლაშა ტალახაძემ ახალი მსოფლიო რეკორდი დაამყარა. მას შემდეგ, რაც ლაშა ტალახაძემ ატაცში 220 კილოგრამი დააფიქსირა და საკუთარი ძველი რეკორდი – 217 კილოგრამი გააუმჯობესა, აკვრაში 254 კილოგრამი დაძლია და საერთო ჩათვლაში 474 კილოგრამით ახალი მსოფლიო რეკორდი დაამყარა.
თვის ბოლოს, ოლიმპიური ჩემპიონი ამერიკაში მიემგზავრება, სადაც, კალიფორნიის შტატში მსოფლიო ჩემპიონატში მიიღებს მონაწილეობას.
კომენტარები