თბილისის ახლად არჩეული მერი კახა კალაძე მწუხარებას გამოთქვამს პოეტის ჯანსუღ ჩარკვიანის გარდაცვალების გამო და დაღუპულის ოჯახს სამძიმარს უცხადებს.
„მწუხარებას გამოვთქვამ ქართველი პოეტისა და საზოგადო მოღვაწის, ჯანსუღ ჩარკვიანის გარდაცვალების გამო და სამძიმარს ვუცხადებ მის ოჯახსა და ახლობლებს.
ჯანსუღ ჩარკვიანმა თავისი შემოქმედებით, საზოგადოებრივი და პოლიტიკური აქტიურობით დიდი წვლილი შეიტანა ჩვენს ქვეყანაში მიმდინარე პროცესებში.
ბატონი ჯანსუღი სამჯერ იყო თბილისის საპატიო მოქალაქე, მისი თბილისისადმი უსაზღვრო სიყვარული დასაფასებელია და სამაგალითოა.
თავის ქვეყანაზე, სამშობლოზე თავდადებული პოეტი, სითბოს და სიყვარულის მატარებელი ადამიანი – ასეთი დაამახსოვრდება ის მომავალ თაობებს“, – ნათქვამია კახა კალაძის სამძიმრის წერილში.
კომენტარები