საპარლამენტო უმრავლესობის წევრის დავით მათიკაშვილის განცხადებით, საპოლიციო კონტროლი არის ჩვეულებრივი პრევენციული ხასიათის ღონისძიებება, რომელსაც ახორციელებდა და შედგომაც განახორციელებს შსს.
„შს მინისტრმა მკაფიოდ განაცხადა იმ კურსის შესახებ, რომელიც აქვს დღევანდელ ხელისუფლებას აღებული, მათ შორის შსს–ს მიმართულებით. ჩაირთო კიდევ ეს ფაზა აქტიურად. ეს არის ჩვეულებრივი პრევენციული ხასიათის ღონისძიებები, რომელსაც ახორციელებდა და განახორციელებს შსს. ეს არის კრიმინალთან ბრძოლის გზა“, – განაცხადა დავით მათიკაშვილმა.
კითხვაზე, ხომ არ მიუთითებს ეს კონტროლი კრიმინალის გახშირებაზე, მისი თქმით, სამინისტრომ ”კარგად იცის ის წერტილები, სადაც არის საჭირო შესაბამისი ურთიერთქმედება, ამიტომ ხორციელდება იმ მექანიზმების გამოყენება, რომელიც ყველაზე ეფექტურია”.
მათიკაშვილის განცხადებით, მაქსიმალურად იქნება დაცული ადამიანის უფლებები. ასევე განმარტა, რომ კონტროლის დროს დაცული უნდა იყოს ბალანსი და არ უნდა მოხდეს კრიმინალთან ბრძოლა ადამიანის უფლებების შებღალვით.