შობის დღესასწაულს დღეს, 6 იანვარს ზეიმობს სომეხთა სამოციქულო ეკლესია. დღესვე აღინიშნება ნათლისღებაც.
დილა ღვთისმსახურებით, სადღესასწაულო წირვით დაიწყო, მოგვიანებით კი წყალ-კურთხევის წესი შესრულდება.
სასულიერო პირი, რომელიც წირვას აღავლენს, წყალში წმიდა მირონს აწვეთებს და აკურთხებს მას.
ტრადიციის თანახმად, მორწუმენეებს ნაკურთხი წყალი სახლში მიაქვთ. საქართველოს სომეხთა ეპარქიის შემადგენლობაში თბილისის, სამცხე-ჯავახეთის, აჭარისა და ქვემო ქართლის თემები და 50 მოქმედი ეკლესია შედის.
ახალქალაქის, სურბ ხაჩის, ეკლესიაში მსახურება დილიდან დაიწყო. ტაძარში მივიდნენ ადგილობრივი ხელისუფლების წარმომადგენლებიც.
შობისა და ნათლისღების დღესასწაულების აღნიშვნა დილიდან მიმდინარეობს დედაქალაქშიც. საზეიმო ლიტურგია თბილისის სურბ გევორქის საკათედრო ტაძარში იმართება.
მსახურებას ხელისუფლებისა და ოპოზიციის წარმომადგენლებიც ესწრებიან.
სომეხთა სამოციქულო ეკლესია ერთადერთია ქრისტიანულ ეკლესიებს შორის, რომელიც ქრისტეშობასა და ნათლისღებას ერთად აღნიშნავს.