ოდესის ოლქის ყოფილმა გუბერნატორმა, მიხეილ სააკაშვილმა ყველა ოპოზიციურ ლიდერს გაერთიანებისკენ მოუწოდა. მან „ფეისბუქის“ ოფიციალურ გვერდზე ვიდეომიმართვა გამოაქვეყნა, რომელშიც აღნიშნა, რომ ორშაბათს უკრაინის უმაღლეს სააპელაციო სასამართლოში მისი დეპორტაციის საკითხი განიხილება.
სააკაშვილის თქმით, ადგილობრივ ხელისუფლებას არ სურს, რომ უკრაინის მოქალაქეებმა კორუფციის წინააღმდეგ იბრძოლონ და საკუთარი პოზიცია დააფიქსირონ.
სააკაშვილმა მოსახლეობას მოუწოდა, 22 იანვარს კიევის სააპელაციო სასამართლოს შენობასთან 10:00 საათზე შეიკრიბონ. მისი თქმით, ის ევროპის რამდენიმე ქვეყანამ მიიწვია, მაგრამ უკრაინაში დარჩენასა და ბრძოლის გაგრძელებას აპირებს.
კომენტარები