გენერალური პროკურორის ყოფილ მოადგილეს ლაშა ნაცვლიშვილს მიაჩნია, რომ საპრეზიდენტო არჩევნებში მონაწილეობის შემთხვევაში, პრეზიდენტობის კანდიდატად გიორგი მარგველაშვილს მხოლოდ მიხეილ სააკაშვილი წარადგენს.
„მარგველაშვილი დამოუკიდებლად ვერასოდეს დააყენებს თავს კანდიდატად. ის საკმაოდ მშიშარაა ამისთვის. მისი კანდიდატად დაყენება მხოლოდ ერთ ადამიანს – მიშა სააკაშვილს შეუძლია;
იგი მიშას კანდიდატურა იქნება ამ არჩევნებში და სწორედ ეს იქნება რევანშის გეგმის დასკვნითი ეტაპი, რომელიც 2018 წლის საპრეზიდენტო და 2020 წლის საპარლამენტო არჩევნებით უნდა დასრულდეს. ეს ეტაპი ჯერ არ არის რეალიზებული და მხოლოდ ვარაუდით შეგვიძლია მისი მოდელირება“,-აცხადებს ნაცვლიშვილი.
მისივე თქმით, მიხეილ სააკაშვილის ფარული საპრეზიდენტო კანდიდატი გიორგი მარგველაშვილი ექსპრეზიდენტის „ძალის ცენტრად“ უნდა გადაიქცეს.
„საპრეზიდენტო არჩევნები უკანასკნელი მიჯნაა, რომლის შემდეგაც უნდა დაიწყოს მიშას შემობრუნება. მიშას ფარული კანდიდატი გიორგი მარგველაშვილია და სწორედ მის გარშემო უნდა მოხდეს ოპოზიციური ძალების კრისტალიზაცია. ის უნდა გადაიქცეს სააკაშვილის „ძალის ცენტრად“. გალავანში ჯერ კიდევ 2012 წელს შემოყვანილი ტროას ცხენი სრული დატვირთვით ამ არჩევნებში უნდა ამოქმედდეს“-აცხადებს ლაშა ნაცვილშვილი.
წყარო:პრაიმტაიმი