თბილისის საკრებულოს უმრავლესობის წევრი ვახტანგ შაქარიშვილი მიიჩნევს, რომ თბილისის მერის მიერ დედაქალაქის სატრანსპორტო პოლიტიკაში დაგეგმილი რეფორმის შედეგად საზოგადოებრივი ტრანსპორტით გადაადგილება ბევრად უფრო კომფორტული გახდება.
დეპუტატის თქმით, კახა კალაძის მიერ დღეს წარმოდგენილ ცვლილებების ერთობლიობაში მნიშვნელოვანი ადგილი საზოგადოებრივი ტრანსპორტის განვითარებას და მის ხელმისაწვდომობის გაზრდას უჭირავს. მისივე თქმით, სწორედ ამ გზით შეიძლება თბილისში კერძო ავტომანქანების გადაადგილების ინტენსივობის შემცირება.
„ამას მოჰყვება სხვა ნაბიჯები, მაგალითად, ტაქსების აღრიცხვა და მათზე სანებართვო პროცესების წარმოება, სადისტრიბუციო მანქანების მოძრაობის რეგულირება, დასუფთავების მანქანებისთვის განსაზღვრული პერიოდის დადგენა. ვაპირებთ საზოგადოებრივი ტრანსპორტის რაოდენობის გაზრდას, მეტროს შემადგენლობების დამატებას, ასევე ავტობუსების ავტოპარკის განახლებას“, – აღნიშნა ვახტანგ შაქარიშვილმა.
მისივე თქმით, დღეს თბილისს დაახლოებით 450-მდე ავტობუსი ემსახურება, ხოლო იმისთვის, რომ საზოგადოებრივი ტრანსპორტის ხელმისაწვდომობა გაიზარდოს და უფრო მეტი მგზავრის გადაყვანა იქნეს შესაძლებელი, საჭიროა 800-მდე ავტობუსი.
დეპუტატის ინფორმაციით, მმართველი გუნდი არსებული ავტოპარკის განახლებასთან ერთად, ავტობუსების რაოდენობის გაზრდასაც გეგმავს.
ვახტანგ შაქარიშვილი: საზოგადოებრივი ტრანსპორტის განვითარება საცობების პრობლემის გადაჭრის უმნიშვნელოვანესი კომპონენტია
2018/01/24 14:02:28
ნანახია: 1038 ჯერ