პირი, რომელმაც თბილისის პროკურორის მოადგილეს გიორგი გაბოძეს ფიზიკური შეურაცხყოფა მიაყენა, პროკურატურაში გამოკითხვაზეა დაბარებული. თენგიზ გავაშელი მთავარ პროკურატურაში გამოკითხვაზე 18:00 საათზე უნდა გამოცხადდეს. როგორც „ინტერპრესნიუსს“ გავაშელის ადვოკატმა თამარ აბესაძემ განუცხადა, პროკურატურაშია დაბარებული გავაშელის მეუღლეც.
თენგიზ გავაშელმა თბილისის პროკურორის მოადგილე გიორგი გაბოძეს ფიზიკური შეურაცხყოფა 23 იანვარს, წყნეთის ქუჩაზე მიაყენა. საქმეზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს. საქმეს მთავარი პროკურატურის გენერალური ინსპექცია იძიებს.
კომენტარები