ირაკლი კობახიძე – რაც გირგვლიანის წინააღმდეგ მოხდა, იყო ხელისუფლების შეთქმულება ერთი ადამიანის წინააღმდეგ

“ის, რაც მოხდა სანდრო გირგვლიანის წინააღმდეგ, იყო ხელისუფლების ძალიან დიდი დანაშაული. ეს იყო შეთქმულება ერთი ადამიანის წინააღმდეგ”,-ამის შესახებ პარლამენტის თავმჯდომარე ირაკლი კობახიძემ განაცხადა. როგორც მან ფრაქცია “ქართული ოცნების” მიერ ინიცირებული ე.წ. გირგვლიანის შესწორებების მიმართულებით, პრეზიდენტის შეწყალების უფლების საკითხზე საუბრისას აღნიშნა, გირგვლიანის წინააღმდეგ შეთქმულებაზე ხელის დაფარება არავის არგებს.
“მე ცოტა ხნის წინ ვუსმინე მიხეილ სააკაშვილის გამოსვლას. ეს გამოსვლა დაემთხვა (თუ როგორ იყო, არ ვიცი), გირგვლიანის მკვლელობის 12 წლისთავს. მან ძალიან ამაყად ისაუბრა იმის თაობაზე, რომ ის არის მართალი ამ საქმეში. ამის წაქეზება დაემთხვა იმ ყველაფერს, რაც მანამდე ვიხილეთ, როდესაც საუბარი იყო შეწყალების გამო მიხეილ სააკაშვილის დასჯის დაუშვებლობაზე. ის, რაც მოხდა სანდრო გირგვლიანის წინააღმდეგ, იყო ხელისუფლების ძალიან დიდი დანაშაული. ეს იყო შეთქმულება ერთი ადამიანის წინააღმდეგ და ამ შეთქმულებისთვის ხელის დაფარება არ არგებს არავის”,- განაცხადა ირაკლი კობახიძემ.
შეგახსენებთ, რომ ფრაქცია “ქართული ოცნება” სისხლის სამართლის კოდექსში ცვლილებების – ე.წ. გირგვლიანის შესწორებების მიღების ინიციატივით გამოდის, რომელიც ხელისუფლების მაღალჩინოსნების მიერ, გამოძიებისთვის ხელის შეშლის შემთხვევაში, სანქციების გამკაცრებას ითვალისწინებს.