საგანგებო სიტუაციების მართვის სამსახურის ხელმძღვანელის გიორგი მღებრიშვილის განცხადებით, რუსთავის სახანძრო-სამაშველო სამსახურის ახალი შენობა არის თანამედროვე ტიპის ევროპული სტანდარტის
როგორც მღებრიშვილმა ჟურნალისტებს რუსთავში, აღნიშნული შენობის გახსნისას განუცხადა, ყველაფერი გაკეთდება იმისთვის, რომ მეხანძრე-მაშველებმა უფრო ეფექტური მომსახურება შესთავაზონ მოქალაქეებს. მისივე ინფორმაციით, საგანგებო სიტუაციების მართვის სამსახური ასეთივე თანამედროვე ტიპის შენობის გახსნას გურიასა და აჭარაშიც გეგმავს.
„მეხანძრე-მაშველისთვის კომფორტული სამუშაო გარემოს შექმნა ჩვენი ერთ-ერთი მთავარი პრიორიტეტია. სწორედ ამის დასტურია დღევანდელი დღეც. დღეს გავხსენით აბსოლუტურად ახალი სტანდარტების თანამედროვე ევროპული ტიპის შენობა, რომელშიც ჩვენს მეხანძრე-მაშველებს ყველა პირობა ექნებათ იმისთვის, რომ უფრო კომფორტულად იგრძნონ თავი. უფრო კომფორტული სერვისი შესთავაზონ ჩვენს მოქალაქეებს. ეს არის პირველი შენობა, რომელიც ასეთი სტანდარტებით აშენდა. მისი მშენებლობა გასული წლის მარტში დაიწყო. უახლოეს პერიოდში ჩვენ ასევე ვგეგმავთ გურიასა და აჭარის რეგიონებში ასეთივე შენობების გახსნას. ეს იქნება პირველი ეტაპი და შემდგომ უკვე სხვა რეგიონებსაც მოვიცავთ“, – განაცხადა გიორგი მღებრიშვილმა.