პატიმართა მიმართ დამამცირებელი და არაადამიანური მოპყრობის ბრალდებით დაკავებულ სასჯელაღსრულების დეპარტამენტის სამართლებრივი რეჟიმის განყოფილების ყოფილ უფროსს, ოლეგ ფაცაციას 7 წლითა და 6 თვით თავისუფლების აღკვეთა მიესაჯა.
ამას გარდა, დამნაშავედ იქნენ ცნობილი აღნიშნულ საქმეზე ბრალდებული სხვა პირებიც. სასჯელაღსრულების დეპარტამენტის #8 დაწესებულების ყოფილ თანამშრომელს მალხაზ ღვინიაშვილს სასჯელის სახით მიესაჯა 6 წელი და 9 თვე, ხოლო სხვა ბრალდებულებს: ნუგზარ მარღიას, ზაზა ხარაიშვილს, ვახტანგ გუგუციძეს, დავით ჩიხლაძესა და დავით ნოზაძეს ამინისტიის გათვალისწინებით შეეფარდათ 3 წელი და 3 თვე.
რაც შეეხება სხვა ბრალდებულებს, მოსამართლის განცხადებით, მათ აღნიშნულ მუხლზე განესაზღვრათ მინიმალური სასჯელი – 4 წელი, ხოლო ამნისტიის გათვალისწინებით საბოლოო სასჯელის სახით განისაზღვრა 3 წელი და 3 თვე.