დღეს არის გადამწყვეტი ბრძოლა ზურაბ ადეიშვილის ნარჩენებისგან, რომ მათ სასამართლო ხელისუფლებაში ძალაუფლება და კონტროლი შეინარჩუნონ, მე მათ კლანსაც ვერ ვუწოდებ, – ამის შესახებ იუსტიციის უმაღლეს საბჭოში პრეზიდენტის მიერ წარდგენილმა არამოსამართლე წევრმა ანა დოლიძემ ჟურნალისტებს განუცხადა, სადაც დღეს იუსტიციის საბჭოს წევრები უვადო მოსამართლედ განმწესების მსურველ კანდიდატებს გაესაუბრებიან.
ანა დოლიძე იმედოვნებს, რომ გასაუბრების ეტაპზე უვადო მოსამართლეობის კანდიდატები იგრძნობენ, რომ ისინი მხოლოდ საკუთარი სინდისის წინაშე არიან ვალდებულები.
ამასთან, უვადო მოსამართლეობის თაობაზე განაცხადი იუსტიციის უმაღლეს საბჭოში სულ 51 კანდიდატს აქვს შეტანილი. მათგან 17 კანდიდატი გასაუბრებას დღეს გაივლის.
კომენტარები