ძალიან საწყენი და ცოტა სევდიანიც კი არის ამ პროცესების ყურება ჩემთვის, როგორც ამ ქვეყნის რიგითი მოქალაქისთვის, – ასე გამოეხმაურა საქართველოს პარლამენტის თავმჯდომარის პირველი მოადგილე თამარ ჩუგოშვილი მიხეილ სააკაშვილის უკრაინიდან პოლონეთში დეპორტაციას.
„ძალიან სამწუხაროა, როდესაც შენი ქვეყნის ყოფილი პრეზიდენტი თავს ჩაიგდებს იმ მდგომარეობაში, რა მდგომარეობაშიც არის მიხეილ სააკაშვილი. უბრალოდ, ძალიან საწყენი და სევდიანიც კი არის ამ პროცესის ყურება. რაც შეეხება ექსტრადირების საკითხებს, ეს შესაბამისი უწყებების კომპეტენცია და მათ შეუძლიათ გააკეთონ კომენტარი, როგორ აპირებენ მუშაობის გაგრძელებას“, – აღნიშნა თამარ ჩუგოშვილმა.
კომენტარები