მარგინალური პოლიტიკური პარტია, “ნაციონალური მოძრაობა” დღეს აქტუალური და საინტერესო არ არის, – ამის შესახებ თბილისის მერმა კახა კალაძემ განაცხადა.
ჟურნალისტის კითხვაზე, თუ რას უპასუხებდა თბილისის მერი ოპოზიციის შენიშვნებს, რომ ბიუჯეტი არარაციონალურად არის გადანაწილებული, კალაძემ ასე უპასუხა: “ოპოზიცია არა, მოდით დავყოთ, ეს არის მარგინალური პოლიტიკური პარტია, “ნაციონალური მოძრაობა”, რომელიც დღეს არ არის აქტუალური და საინტერესო.
რაც შეეხება ბიუჯეტს, კალაძის განცხადებით, ბიუჯეტი გაიზარდა, თანხების მოძიება გახდა შესაძლებელი, რაც მოხმარდება იმას, რომ ქალაქში შემოვა 100 ახალი ევროპული ტიპის, ეკოლოგიურად სუფთა ავტობუსი.
„ეს არის ჩვენთვის მნიშვნელოვანი იმისთვის, რომ მგზავრების კომფორტი უზრუნველვყოთ, ასევე ჰაერის დაბინძურების თვალსაზრისით ყვითელი ავტობუსები არის პრობლემური. ჩვენ ვაპირებთ ეტაპობრივად ავტობუსების პარკის განახლებას. ასევე თანხები გადანაწილდება, რომ ავარიული ბაღებიდან, საიდანაც მოხდა ბავშვების გამოყვანა, მოხდება მათი სრული რეაბილიტაცია“, – განაცხადა კალაძემ.