ეკა ბესელიამ პრეზიდენტის განცხადება შეაფასა, რომლის მიხედვით, სახელმწიფო ინსტიტუტების შერყევა “ქართული ოცნების” საფირმო ნიშანია. ბესელიას თქმით, ეს მეტისმეტად უსამართლო და არასწორი შეფასებაა.
„არ მგონია, მიხეილ სააკაშვილის სასახლეზე უარის თქმა და უფრო მოკრძალებულ, შესაბამისს შენობაში პრეზიდენტის ყოფნა სახელმწიფო ინსტიტუტის შეურაცხყოფა იყოს. არ ვფიქრობ, რომ თუ პრეზიდენტის ინსტიტუტი იმ შენობასთან არ იქნება გაიგივებული, ეს სახელმწიფო ინსტიტუტის თემას შეურაცხყოფს. თუ პრეზიდენტი ამ კატეგორიებით მსჯელობს, მაშინ გასაგებია, მაგრამ ჩვენი მხრიდან ინსტიტუტებისადმი უპატივცემულობა არც ერთ ეტაპზე არ გამოკვეთილა. საპრეზიდენტო საარჩევნო წელია და არ გამოვრიცხავ, რომ მარგველაშვილის მხრიდან ყველა განცხადება, ყველა ნაბიჯი და ყველა ქმედება განხილული საარჩევნო ჭრილში იყოს“, – განაცხადა ბესელიამ.