„კიდევ ერთხელ მადლობა მინდა გადავუხადო ყველა იმ ადამიანს, რომელმაც 6 წლის წინ ჩამოგვაცილა სირცხვილი, რომელსაც ერქვა მიხეილ სააკაშვილის პრეზიდენტობა“, – ამის შესახებ საპარლამენტო უმრავლესობის დეპუტატმა დავით მათიკაშვილმა პარლამენტის სხდომაზე სიტყვით გამოსვლისას განაცხადა. დავით მათიკაშვილი საქართველოს ექს-პრეზიდენტის მიხეილ სააკაშვილის გუშინდელ განცხადებას გამოეხმაურა, რომელიც ყოფილ პრემიერ- მინისტრ ბიძინა ივანიშვილისა და იუსტიციის მინისტრ თეა წულუკიანის მისამართით გამოთქვა.
„მინდა გამოვეხმაურა მიხეილ სააკაშვილის სამარცხვინო და უღირს განცხადებებს, რომელიც საზოგადოებამ მოისმინა გუშინ. პირველ რიგში, სააკაშვილს მინდა ვუთხრა, რომ ის არ არის მაღალი, ის არის გრძელი და სიგრძით ამაყობს ის, რაზედაც მიხეილ სააკაშვილი ასე გულმოდგინედ საუბრობდა გუშინდელ განცხადებებში. კაცმა უნდა იმაყოს მაღალი რეპუტაციით, ღირსებით, ქალებთან მიმართებაში ღირსეული დამოკიდებულებით, რომლითაც მიხეილ სააკაშვილი იყო და არის დაცლილი. მე მინდა ვისარგებლო შემთხვევით და კიდევ ერთხელ მადლობა გადავუხადო ყველა იმ ადამიანს, რომელმაც 6 წლის წინ ჩამოგვაცილა სირცხვილი, რომელსაც ერქვა მიხეილ სააკაშვილის პრეზიდენტობა”, – განაცხადა დავით მათიკაშვილმა.