იმედი მაქვს, რომ ოჯახს დაუბრუნებენ ცხედარს, რაც შეიძლება სწრაფად. ჩვენ ნამდვილად შეძრწუნებულები ვართ ამ ფაქტით, – ამის შესახებ საქართველოში ამერიკის შეერთებული შტატების ელჩმა იან კელიმ ოკუპირებულ ტერიტორიაზე არჩილ ტატუნაშვილის მკვლელობის საქმესთან დაკავშირებით განაცხადა.
იან კელის განცხადებით, ოკუპანტ ძალას თავისი წილი პასუხისმგებლობა გააჩნია, თუმცა არ ჩანს, რომ ეს პასუხისმგებლობა ვინმეს აეღოს.
ამერიკის ელჩის თქმით, მომხდარით შეძრწუნებულია.
“ეს არის მართლაც საშინელი ტრაგედია ტატუნაშვილის ოჯახისთვის, მეგობრებისა და ნათესავებისთვის. თუმცა, გარდა ამისა, არის შემაძრწუნებელი სიტუაცია იმიტომ, რომ საქართველოს მოსახლეობამ უნდა იცოდეს რა მოხდა იქ და გარდა ამისა, რა თქმა უნდა, უნდა დადგეს პასუხისმგებლობის საკითხი, რადგან ამ ტიპის ინციდენტი პირველი არ არის. ჩვენ გავაგრძელებთ საუბარს, რომ აუცილებელია დადგეს ამ საშინელი ინციდენტის გამო პასუხისმგებლობის საკითხი. ოკუპანტ ძალას თავისი პასუხისმგებლობა გააჩნია. მე ვერ ვხედავ, რომ ვინმეს აეღო ამ საქმეში რაიმე პასუხისმგებლობა. იმედი მაქვს, რომ ოჯახს დაუბრუნებენ ცხედარს, რაც შეიძლება სწრაფად. ჩვენ ნამდვილად შეძრწუნებულები ვართ ამ ფაქტით“, – განაცხადა იან კელიმ.
იან კელი – იმედი მაქვს, რომ ოჯახს დაუბრუნებენ ცხედარს, რაც შეიძლება სწრაფად
2018/03/01 15:06:30
კომენტარები
ნანახია: 878 ჯერ