„საქართველოს ფინანსთა სამინისტროს შემოსავლების სამსახური მზადაა, დახმარება გაუწიოს 27 თებერვალს, ე.წ. „თერგის“ ბაზრობის მიმდებარე ტერიტორიაზე ხანძრის შედეგად დაზარალებულ მეწარმეებს, ხანძრის ზემოქმედების შედეგად განადგურებული სასაქონლო-მატერიალური ფასეულობების ჩამოწერასთან დაკავშირებით“, – ნათქვამია განცხადებაში.
შემოსავლების სამსახურის ინფორმაციით, დაზარალებული მეწარმეების იდენტიფიკაციის მიზნით, ბაზრობის ადმინისტრაციასა და შემოსავლების სამსახურს შორის მიმდინარეობს შესაბამისი პროცედურები.
შემოსავლების სამსახური განმარტავს, რომ ხანძრის ზემოქმედების შედეგად განადგურებული სასაქონლო-მატერიალური ფასეულობების ჩამოწერით, დაზარალებულ პირებს განადგურებულ სასაქონლო-მატერიალურ ფასეულობებთან დაკავშირებით საგადასახადო ვალდებულებები არ წარმოეშვებათ.
„შემოსავლების სამსახურის მხრიდან მიღებულ იქნება გადაწყვეტილება აღნიშნულ დავალიანებაზე იძულებითი ღონისძიებების 1 წლის ვადით გადავადების ან/და შეჩერების შესახებ“, – აღნიშნულია განცხადებაში.