“გვაქვს იმდენი ინტელექტუალური რესურსი, რომ ჩადება არ დაგვჭირდეს”

„დიახ, #არაჩადებას, რადგან გვაქვს იმდენი ინტელექტუალური რესურსი, რომ ჩადება არ დაგვჭირდეს“ – ამის შესახებ საქართველოს შინაგან საქმეთა მინისტრმა გიორგი გახარიამ გაზეთ “პრაიმტაიმთან” ექსკლუზიურ ინტერვიუში განაცხადა. გთავაზობთ ინტერვიუდან ნაწვეტს.
ხშირად საუბარი იმაზე, რომ „მცემეს“, „ჩამიდეს“ და ა.შ. ხდება დაცვის სტრატეგიიდან გამომდინარე. დამნაშავეებთან ერთად ამ მეთოდს ხშირად მათი დამცველებიც ეფექტურად იყენებენ. ეს არის ფაქტი და ამას ვერსად გავექცევით. ისიც ფაქტია, რომ დღეს სახელმწიფო ინსტიტუტები გახდნენ უფრო მგრძნობიარეები მსგავსი ბრალდებების მიმართ. ჩვენ ამ განაცხადით ვთქვით, რომ ჩადება არ გვჭირდება. არ გვჭირდება რამდენიმე მიზეზის გამო: ჩვენ 21-ე საუკუნეში ვცხოვრობთ. დიახ, #არაჩადებას, რადგან შინაგან საქმეთა სამინისტროს აქვს იმდენი ინტელექტუალური რესურსი, რომ ჩადება არ დაგვჭირდეს. შეგიძლიათ, გაესაუბროთ ჩემს მოადგილეებსაც, დეპარტამენტის ხელმძღვანელებს… ჩადება ამ ხალხისთვის არის შეურაცხმყოფელი. მე არაფერს არ გამოვრიცხავ არც წარსულში და არც მომავალში, მაგრამ ჩვენი გაცხადებული პოლიტიკაა, რომ, თუკი ასეთი რამ მოხდება, პასუხი იქნება ადეკვატური და მკაცრი, ვინც არ უნდა გააკეთოს. ეს არის პოლიციელების კეთილსინდისიერების შეურაცხყოფა.