ფრაქცია „ქართული ოცნების“ თავმჯდომარე მამუკა მდინარაძე არ გამორიცხავს, რომ არჩილ ტატუნაშვილის საქმეზე ოპოზიცია და მმართველი გუნდი საერთო დოკუმენტზე შეჯერდნენ.
„ხელისუფლებას ყველაზე პრაგმატული და შედეგზე ორიენტირებული პოლიტიკა აქვს, რაც შეიძლება ხელისუფლებამ იმ პირობებში აწარმოოს, როდესაც ჩრდილოელი მეზობელი ოკუპანტია. ვცდილობთ, მაქსიმალურად შედეგზე ორიენტირებული პოლიტიკა ვაწარმოოთ. ჩვენი თითოეული ნაბიჯი და მათ შორის რეზოლუციები ემსახურება მიზანს, რომ საერთაშორისო ბერკეტები გამოვიყენოთ და ამ საქმეში უცხოელი პარტნიორების ჩართულობა უზრუნველყოფილი იყოს. არ გამოვრიცხავ, რომ საერთო დოკუმენტზე შევჯერდეთ. ამაზე ვმსჯელობთ, აქ პარტიული ინტერესები არ არის, რადგან საქმე დეოკუპაციასა და მოქალაქეების სიცოცხლეს ეხება. პარტიული ინტერესი გამორიცხული უნდა იყოს და იმაზე ვიმსჯელებთ, ჩვენი ქვეყნისთვის უკეთესი რა იქნება”, – განაცხადა მდინარაძემ.