ორივე რეზოლუცია ეხმიანება იმ შემზარავ მკვლელობებს, როგორიც არის ტატუნაშვილის და ოთხოზორიას საქმე, – ამის შესახებ პარლამენტის პირველმა ვიცე-სპიკერმა, თამარ ჩუგოშვილმა განაცხადა.
“რეზოლუციასთან დაკავშირებით ორი სხვადახვა პროექტი არის საქართველოს პარლამენტში ინიცირებული. ერთი უმრავლესობის, მეორე ოპოზიციის მხრიდან.
ვფიქრობ,როდესაც საკომიტეტო მოსმენები დაიწყება, შესაძლებელია, ოპოზიციის მიერ მიღებული რეზოლუციდან გარკვეული საკითხები აისახოს უმრავლესობის რეზოლუციაში, ჯერჯერობით, თქმა გამიჭირდება“, – განაცხადა ჩუგოშვილმა.
მისი თქმით, მთავარია, რომ ორივე დოკუმენტის სულისკვეთება საერთოა – ორივე არის ოკუპაციის წინააღმდეგ მიმართული.
„ორივე ეხმიანება იმ შემზარავ ფაქტებს, მკვლელობებს როგორიც არის ტატუნაშვილის და ოთხოზორიას საქმე“, – განაცხადა ვიცე-სპიკერმა.
“ორივე რეზოლუცია ეხმიანება იმ შემზარავ მკვლელობებს, როგორიც არის ტატუნაშვილის და ოთხოზორიას საქმე”
2018/03/06 11:00:09
ნანახია: 1325 ჯერ