“ძალიან მნიშვნელოვანია, რომ არჩილ ტატუნაშვილის ცხედარი უმოკლეს პერიოდში დაუბრუნდეს თავის ოჯახს”

ძალიან მნიშვნელოვანია, რომ არჩილ ტატუნაშვილის ცხედარი უმოკლეს პერიოდში დაუბრუნდეს თავის ოჯახს, – ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა რუსეთის საგარეო საქმეთა სამინისტროს მიერ გავრცელებული განცხადების კომენტირებისას აღნიშნა.
“ჩემთვის ცოტა ძნელია დღეს დილით შეფასების გაკეთება რუსეთის საგარეო საქმეთა სამინისტროს განცხადებასთან დაკავშირებით. პირადად ჩემთვის, როგორც მოქალაქისთვის, 2 რამაა მნიშვნელოვანი. ერთი მხრივ, პლატფორმა, რომელიც ჩვენ გვაქვს ანუ ჟენევის პლატფორმა იყო მაქსიმალურად სასარგებლო ჩვენი ქვეყნისთვის იმისთვის, რომ მოხდეს იმ პრობლემების გადაჭრა, რომელიც ჩვენ გვაქვს და მეორე მხრივ, ძალიან მნიშვნელოვანია, რომ ცხედარი უმოკლეს პერიოდში დაუბრუნდეს თავის ოჯახს. ჩემთვის ეს არის მნიშვნელოვანი. შედეგებზე ცოტა მოგვიანებით ვიმსჯელოთ”, – განაცხადა ქუმსიშვილმა.