საქართველოს ნების საწინააღმდეგოდ, ამ ქვეყნის ტერიტორიაზე რუსი სამხედროების ყოფნა – რუსეთის მიერ ჩადენილი უგუნური ქმედებების ჯაჭვის ერთ-ერთი რგოლია. ამის შესახებ ნატო-ს გენერალურმა მდივანმა იენს სტოლტენბერგმა ბრიუსელში გამართულ ბრიფინგზე განაცხადა.
„საქართველოში, ასევე მოლოდვაში რუსი სამხედროები ყოფნა, ამ სახელმწიფოების ნების საწინააღმდეგოდ, ყირიმის არალეგალური ანექსია და უკრაინის აღმოსავლეთში მოქმედი სეპარატისტების მხარდაჭერა, მონტენეგროს შიდა საქმეებში ჩარევა, დემოკრატიული არჩევნებისა და ინსტიტუტებისთვის ძირის გამოთხრის მცდელობები და რუსეთის სამხედრო წარმომადგენლობის ზრდა ახლო აღმოსავლეთში – ეს არის რუსეთის ქმედებების ჯაჭვი, რომელიც წინ უსწრებდა სოლსბერიში მოწამვლას“, – განაცხადა იენს სტოლტენბერგმა.
კომენტარები