თბილისის მერიისა და „სითი პარკის“ წარმომადგენლებს შორის შეხვედრა გაიმართება თბილისის მერიისა და კომპანია „სითი პარკის“ წარმომადგენლებს შორის დღეს შეხვედრა გაიმართება.
შეხვედრა მერიაში 14:00 საათზე დაიწყება.
ცნობისთვის, თბილისის მერია კომპანია „სითი პარკთან“ ხელშეკრულებას 10 აპრილიდან წყვეტს და მის ფუნქციებს თბილისის სატრანსპორტო კომპანია შეასრულებს.
დედაქალაქის მერმა კახა კალაძემ გადაწყვეტილების მიზეზად კომპანიის მხრიდან უპასუხისმგებლობა და საჯარო უფლებამოსილებების არასათანადოდ შესრულება დაასახელა.
კერძოდ, მერიაში აცხადებენ, რომ „სითი პარკმა“ არ მოაწესრიგა ქალაქში საპარკინგე ადგილები, ასევე ხშირი იყო მოქალაქეებისთვის უკანონოდ დარიცხული ჯარიმების შემთხვევებიც.
კომენტარები