ევროკავშირი სოლიდარულია გაერთიანებულ სამეფოსთან მიმართებაში რუსეთის საკითხთან დაკავშირებით- ევროკავშირის ელჩი საქართველოში იანოშ ჰერმანი ბრიტანეთსა და რუსეთს შორის ურთიერთობების გამწვავებას აფასებს.
ჰერმანის განცხადებით არსებობს საქართველოსთან დაკავშირებული საკითხები, რომელიც რუსეთთან ურთიერთიერთობებში იწვევს უთანხმოებას.
“არის გარკვეული საკითხები და რუსეთთან ურთიერთობებში ბევრი სფეროა, სადაც ჩვენი პოზიციები არ ემთხვევა ერთმანეთს. არის საკითხები, რომელიც საქართველოსთან დაკავშირებით არის ჩვენს შორის უთანხმოების მიზეზი. მინდა კიდევ ერთხელ გავიმეორო, რომ ჩვენ სრულიად სოლიდარულები ვართ გაერთიანებულ სამეფოსთან ამ საკითხთან დაკავშირებით”, – განაცხადა იანოშ ჰერმანმა.
ამასთანავე საფრანგეთი, გერმანია, აშშ-ი და ბრიტანეთი აცხადებენ, რომ სკრიპალის მოწამვლა მათ უსაფრთხოებას ემუქრება, – ამის შესახებ განცხადება ამ ქვეყნების ლიდერებმა გააკეთეს.დონალდ ტრამპი, ემანუელ მაკრონი, ანგელა მერკელი და ტერეზა მეი მოუწოდებენ მოსკოვს, უპასუხოს ექსპოლკოვნიკის მოწამვლასთან დაკავშირებულ ყველა კითხვას.
რუსი ჯაშუში სერგეის სკრიპალის მოწამვლის საქმეზე გაეროში უშიშროების საბჭოს საგანგებო სხდომა გაიმართა. ბრიტანულმა მხარემ საბჭოს წევრებს გამოძიების დეტალები მიაწოდა. ლონდონის მტკიცებით, რუსი ჯაშუში ნერვულ-პარალიტიკურ ნივთიერებებით მოწამლეს
ცნობილი გახდა, რომ დიდი ბრიტანეთი 23 რუს დიპლომატს გააძევებს. ამასთან, რუსული მედიის ცნობით, ლონდონმა მოსკოვთან ორმხრივი კავშირები შეაჩერა.
სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს.
სკრიპალის საქმეს რუსეთის პრეზიდენტი ვლადიმერ პუტინიც გამოეხმაურა და ბრიტანელებს ურჩია ყოფილი ჯაშუშის მოწამვლის ინციდენტში ჯერ თავად გაერკვნენ.
რუსი ჯაშუში სერგეის სკრიპალის მოწამვლის საქმეზე გაეროში უშიშროების საბჭოს საგანგებო სხდომა გაიმართა. ბრიტანულმა მხარემ საბჭოს წევრებს გამოძიების დეტალები მიაწოდა. ლონდონის მტკიცებით, რუსი ჯაშუში ნერვულ-პარალიტიკურ ნივთიერებებით მოწამლეს