დიმიტრი ქუმსიშვილი უკრაინის ელჩს პირადად ესაუბრა. მან იგორ დოლგოვს გუდაურში, საბაგიროზე მომხდარი ინციდენტის შედეგად უკრაინის დაშავებული მოქალაქეების მდგომარეობის შესახებ ინფორმაცია მიაწოდა.
„ველაპარაკე უკრაინის ელჩს და დეტალურად ავუხსენი სიტუაცია. რა თქმა უნდა, დავარწმუნე, რომ ყველაფერს ვაკეთებთ, რომ უკრაინის მოქალაქეების, ასევე ყველა დანარჩენი მოქალაქის ჯანმრთელობა იყოს დაცული“ – განაცხადა დიმიტრი ქუმსიშვილმა. ის ამ წუთებში გუდაურში იმყოფება, სადაც ცოტა ხნის წინ, სათხილამურო ტრასაზე, ავარიული გაჩერების გამო საბაგირო უკუსვლით ამოძრავდა, რის შედეგადაც მოქალაქეები დაშავდნენ.
კომენტარები