„მისასალმებელია ვენეციის კომისიის საბოლოო პოზიტიური დასკვნა საქართველოს საკონსტიტუციო რეფორმაზე. ამის შეასხებ საქართველოს საგარეო საქმეთა მინისტრმა მიხეილ ჯანელიძემ ვენეციის კომისიის დასკვნასთან დაკავშირებით განაცხადა.
მისი თქმით, შეიქმნა დოკუმენტი, რომელიც საქართველოს გადაიყვანს საპარლამენტო მოდელზე, რომელიც არის ძალიან მნიშვნელოვანი დემოკრატიული განვითარებისთვის, პოლიტიკური პლურალიზმისთვის, რაც საბოლოო ჯამში არის ძალიან მნიშვნელოვანი ქვეყნის ევროპული ინტეგრაციისა და ევროპული მომავლისთვის.
როგორც მიხეილ ჯანელიძემ აღნიშნა, ძალიან მნიშვნელოვანია, რომ ასევე დადებითად შეფასდა საკონსტიტუციო კომისიის ჯგუფის მუშაობა. მისივე შეფასებით, აღნიშნული რეფორმა დემოკრატიული კონსოლიდაციისთვის ძალიან მნიშვნელოვანი წინგადადგმული ნაბიჯი იქნება.
კომენტარები