საქართველოში აშშ-ის ელჩის, იან კელის შეფასებით, არჩილ ტატუნაშვილის ცხედრის ოჯახისთვის დიდი ხნის განმავლობაში გადაუცემლობა საშინელი ფაქტი იყო.
მისივე თქმით, როდესაც ვსაუბრობთ რაიმე დაპირებაზე, აუცილებელია, არსებობდეს ნდობა. თუმცა, ამერიკის ელჩმა გამოთქვა იმედი, რომ ჟენევის მოლაპარაკებების რაუნდზე გარკვეული პროგრესი იქნება.
„ვფიქრობ, როდესაც ჩვენ ვსაუბრობთ რაიმე დაპირებაზე, აუცილებელია არსებობდეს ნდობა. სამწუხაროდ, ე.წ. სამხრეთ ოსეთის “ხელისუფალთა” ქცევა არ იძლევა ნდობის საფუძველს. ის, რაც მათ გააკეთეს ტატუნაშვილის ცხედართან დაკავშირებით, რომ კვირეების განმავლობაში არ დაუბრუნეს ცხედარი ოჯახს, ნამდვილად ეს იყო საშინელი ფაქტი და ასეთი ქმედება არ უწყობს ხელს ნდობის განმტკიცებას, ნდობის არსებობას და კონფლიქტის მშვიდობიანად გადაჭრას. რა თქმა უნდა, ჩვენ გვაქვს იმედი, რომ იქნება პროგრესი ჟენევის მოლაპარაკებებზე, თუმცა ასეთი საშინელი ქმედებები კონფლიქტის მშვიდობიან გადაჭრას ხელს არ უწყობს“, – განაცხადა იან კელიმ.