მამუკა მდინარაძე ნარკოპოლიტიკაზე: დიფერენციაცია უნდა გაკეთდეს მომხმარებლებსა და გამსაღებლებს შორის

დიფერენციაცია უნდა გაკეთდეს მომხმარებლებსა და გამსაღებლებს შორის, – ამის შესახებ ჟურნალისტებს საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ განუცხადა.
მდინარაძე იმედოვნებს, რომ ინტენსიური მუშაობის შედეგად, მიდგომების გამიჯვნა მოხერხდება.
დეპუტატის თქმით, ნარკოპოლიტიკის კანონმდებლობის თემაზე მუშაობა ერთი დღითაც არ შეწყვეტილა,
„ვხვდებით სხვადასხვა ჯგუფს. იცით, რომ რადიკალურად განსხვავებული მოსაზრებები არსებობს ამ თემაზე, მათ შორის საპარლამენტო უმრავლესობაშიც. ჩვენც გვაქვს პოზიციები დასაახლოებელი – კერძოდ, კანონმდებლობა ერთი მხრივ უნდა უზრუნველყოფდეს ლიბერალურ მიდგომას ნარკომომხარებლებთან და, მეორე მხრივ, უნდა ვიყოთ მკაცრები გამსაღებლებთან. ეს არის ძალიან დიდი გამოწვევა“, – განაცხადა მამუკა მდინარაძემ.
ცნობისთვის, მედიის წარმომადგენლები პირველი არხის ყოფილი თანამშრომლის, მამუკა ბერძენიშვილის შეწყალების თხოვნით, საქართველოს პრეზიდენტს მიმართავენ.
ამასთან, პარლამენტს მოუწოდებენ, შესაბამის კანონში შევიდეს ცვლილებები და შეიცვალოს არსებული ნარკოპოლიტიკა.