ირაკლი კობახიძე – სოლიდარობას ვუცხადებთ ჩვენს სტრატეგიულ პარტნიორებს

 ჩვენ გვაქვს ჩამოყალიბებული პრინციპები საგარეო პოლიტიკაში და ჩვენი ყოველი გადაწყვეტილება ამ პრინციპებს ეფუძნება, –  ამის შესახებ ჟურნალისტებს პარლამენტის თავმჯდომარე ირაკლი კობახიძემ რუსეთის საგარეო საქმეთა სამინისტროს განცხადების შეფასებისას აღნიშნა, სადაც ლავროვის უწყება, საქართველოს მიერ რუსი დიპლომატის გაძევებაზეა საუბარი. როგორც კობახიძემ აღნიშნა, საქართველოს საკუთარი პრინციპები აქვს ჩამოყალიბებული საგარეო პოლიტიკაში და ყოველი გადაწყვეტილება ამ პრინციპებს ეფუძნება.
„ლავროვის განცხადება არ მომისმენია, თუმცა ზოგადად შემიძლია აღვნიშნო, რომ ჩვენ ვმოქმედებთ ჩვენი ეროვნული ინტერესების შესაბამისად. ჩვენ სოლიდარობას ვუცხადებთ ჩვენს სტრატეგიულ პარტნიორებს და აქედან გამომდინარე, ვიღებთ გადაწყვეტილებას კონკრეტულ საკითხებთან დაკავშირებით. ჩვენთვის მთავარია, რომ ვიმოქმედოთ სწორად და პრინციპების საფუძველზე. ჩვენ გვაქვს ჩამოყალიბებული პრინციპები საგარეო პოლიტიკაში და ჩვენი ყოველი გადაწყვეტილება ამ პრინციპებს ეფუძნება“, – განაცხადა ირაკლი კობახიძემ და აქვე დასძინა, რომ მისთვის უცნობია თუ რა იგულისხმება სარკისებურ რეაქციაში და საპასუხო ზომებში, რომელზეც რუსეთის საგარეო უწყება საუბრობს.