“აზერბაიჯანელთა ეროვნული კონგრესის თავმჯდომარე“ ალი ბაბაევი სახალხო დამცველთან არსებული ეთნიკურ უმცირესობათა საბჭოს საქმიანობას აკრიტიკებს.
შესაბამისი განცხადება ბაბაევმა პორტალ „კვირას“ პრესკლუბში გააკეთა.
როგორც ბაბაევმა განაცხადა, არასწორი ნაბიჯია, საბჭოს მხრიდან, საზოგადოებრივი მაუწყებლის სამეთვალყურეო საბჭოს წევრობის კანდიდატად იზაბელა ოსიპოვას წარდგენაც.
მისი თქმით, ოსიპოვა საქართველოს საზოგადოებრივი მაუწყებლის სამეურვეო საბჭოს წევრობისთვის მეოთხედ იყრის კენჭს.
„ეს საბჭო ობიექტურად და პრინციპულად მუშაობდა მხოლოდ სოზარ სუბარის ომბუდსმენად ყოფნის პერიოდში. სოზარ სუბარის წამოსვლის შემდეგ, მეც დემონსტრაციულად დავტოვე ის, რადგან საერთაშორისო თუ არასამთავრობო ორგანიზაციებთან შეხვედრებზე ეპატიჟებოდნენ ვიწრო წრეს, არჩევნების დროს ნორმალურ ანალიზსს არ აკეთებდნენ, ანუ ეს ორგანიზაცია იყო ფორმალური. ერთი კითხვა მაქვს – ქალბატონი ოსიპოვა ოთხჯერ იყო წარმოდგენილი, ოთხჯერვე უარი ეთქვა, ნუთუ ოსიპოვას გარდა სხვა კანდიდატურა არ არსებობს? იმიტომ, რომ თავად ოსიპოვა კურატორობს ამ საბჭოს“, – აღნიშნა ალი ბაბაევმა.
“ნუთუ ოსიპოვას გარდა სხვა კანდიდატურა არ არსებობს?”
2018/04/02 13:24:48
კომენტარები
ნანახია: 909 ჯერ