თბილისში, კიევის ქუჩაზე ხანძრის დროს ერთი ადამიანი დაიღუპა. გარდაცვლილი 70 წლამდე კაცია. – ამის შესახებ ინფორმაციას საგანგებო სიტუაციების მართვის სამსახურში ადასტურებენ.
ამავე ინფორმაციის მიხედვით, დაშავდა კიდევ სამი ადამიანი. სასწრაფო-სამედიცინო დახმარების ექიმის ინფორმაციით, შემთხვევის შედეგად ერთმა ადამიანმა ხელზე მსუბუქი დამწვრობა მიიღო და ის საავადმყოფოში გადაიყვანეს. კიევის ქუჩაზე ხანძარი საცხოვრებლის სახურავსა და მეორე სართულზე გაჩნდა.
ადგილობრივების ინფორმაციით, საცხოვრებელი სასტუმროდ იყო გადაკეთებული და ხანძრის დროს შენობაში უცხოელი ტურისტები იმყოფებოდნენ.
ამ ეტაპზე ხანძარი ლოკალიზებულია. დამწვარია 200 კვ.მ ფართობი. ამ დროისთვის, ხანძრის ლიკვიდაციის მიზნით, ადგილზე ექვსი სახანძრო ჯგუფი მუშაობს.
იმედინიუსი
კომენტარები