სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ყოვლადწმინდა სამების საკათედრო ტაძარში გარდამოხსნის წესი შეასრულა.
გარდამოხსნა სამების ტაძარში არასრული 3 დღე დარჩება, როგორც უფალი იმყოფებოდა საფლავში არასრული სამი დღე.
აღდგომის ლიტურგიის დაწყებამდე გარდამოხსნას სასულიერო პირები საკურთხეველში შეაბრძანებენ, სადაც იგი ამაღლების დღესასწაულამდე დარჩება.
მსახურების დროს შესრულდა დავით გურამიშვილის ლექსზე „იესო“ შესრულებული საგალობელი. ასევე წაიკითხეს ღვთისმშობლის დატირება უფლისადმი და უფლის ლოცვა „ნუ მტირ მე დედაო“.
წითელი პარასკევი ვნების კვირეულის ყველაზე მძიმე დღეა. მართლმადიდებელი ეკლესია იესო ქრისტეს ჯვარცმას, ჯვრიდან გარდამოხსნასა და დაკრძალვას იხსენებს.
კომენტარები
