ფრაქცია ,, ქართული ოცნება – მწვანეების’’ თავმჯდომარე გია გაჩეჩილაძე საპარლამენტო უმრავლესობის დაშლას გამორიცხავს.
,,საქართველო, როგორც სახელმწიფო, სერიოზული საფრთხეების წინაშე დგას. ოკუპანტები გვიტევენ, გვაქვს სოციალური პრობლემები. ასეთ დროს ყოველგვარი რღვევა არის ანტისახელმწიფოებრივი.
ცუდია, როდესაც ასეთი ამბები უმრავლესობაში ხდება, მაგრამ ვფიქრობ, ყველაფერი დალაგდება. ყველამ უნდა გაიზიაროს პასუხისმგებლობა. როცა უმრავლესობაში ხარ, სახელმწიფო პასუხისმგებლობა შენზე გადმოდის და ამიტომ პიროვნული ყოველთვის უკანა პლანზე უნდა გადასწიო.
ფრაქცია „მწვანეების” პოზიცია ყოველთვის მიმართული იქნება უმრავლესობის შენარჩუნებისკენ, რადგან ამას სახელმწიფოებრივი მნიშვნელობა აქვს”, – განაცხადა გაჩეჩილაძემ.
გია გაჩეჩილაძე პარლამენტის თავმჯდომარის მიერ გაკეთებულ განცხადებას ემოციურს უწოდებს.
,,პარლამენტის თავმჯდომარემ განცხადება ემოციურ ნიადაგზე გააკეთა. მეტი კონტაქტია საჭირო პარლამენტის წევრებთან. კარგი იქნება გუნდის შიგნით არსებული სიტუაციის განხილვა უმრავლესობის სხდომის ფარგლებში მოხდეს‘’, – განაცხადა ფრაქცია „ ქართული ოცნება – მწვანეების” თავმჯდომარემ.