საქართველოს პრეზიდენტმა და პირველმა ლედიმ არაბთა გაერთიანებულ საემიროებში, ოფიციალური ვიზიტის კულტურული პროგრამის ფარგლებში, ემირატების ღირსშესანიშნაობები და მუზეუმი დაათვალიერეს.
გიორგი მარგველაშვილმა და მაკა ჩიჩუამ დუბაიში, მსოფლიოში ყველაზე მაღალი შენობა “ბურჯი ხალიფა” და შენობის ყველაზე მაღალი წერტილიდან დუბაის ხედები დაათვალიერეს.
მათივე ცნობით, აბუ დაბიში პრეზიდენტმა და პირველმა ლედიმ შეიხ ზაედის მეჩეთი მოინახულეს, რომელიც გამორჩეული არქიტექტურის მქონე, მრავალფუნქციური, 82 გუმბათიანი შენობა მოინახულეს.
საქართველოს პრეზიდენტმა შეიხ ზაიდის მეჩეთში საპატიო სტუმართა წიგნში ჩანაწერი გააკეთა:
“აღფრთოვანებული ვარ გრანდიოზული, დახვეწილი და დიდი სიყვარულით ნაშენები თქვენი მშვენიერი სალოცავით. ეს მშვენიერი მეჩეთი ნათელი მაგალითია იმისა, რომ თანამედროვეობაშიც შესაძლებელია შეიქმნას ეპოქალური არქიტექტურის ნიმუშები”.
აღსანიშნავია, რომ კულტურული პროგრამის ფარგლებში, პრეზიდენტმა და პირველმა ლედიმ აბუ დაბიში მდებარე მუზეუმი დაათვალიერეს, რომელშიც 30 წლიანი ხელშეკრულების საფუძველზე, “ლუვრში” დაცული მსოფლიო ხელოვნების ნიმუშები იყო გამოფენილი.