საპრეზიდენტო არჩევნებში “ქართულ ოცნებას” პირველი ადგილი გარანტირებული აქვს, რაც შეეხება გიორგი მარგველაშვილს, მას მეორე ადგილზე გასვლის მიზერული შანსი აქვს- ეს განცხადება, საქართველოს პარლამენტის თავმჯდომარემ გააკეთა. გადაცემა “არჩევანში” ირაკლი კობახიძემ მარგველაშვილისადმი გამოთქმულ კრიტიკაზე ისაუბრა.
კითხვაზე – უკავშირდება თუ არა მარგველაშვილისადმი მმართველი გუნდის კრიტიკა საპრეზიდენტო არჩევნებში მის შესაძლო მონაწილეობას, კობახიძემ თქვა, რომ ეს ასე არ არის, რადგან გიორგი მარგველაშვილს არჩევნებში გამარჯვების არანაირი შანსი არ აქვს.
მისივე თქმით, წინასწარი მონაცემებით არჩევნებში პირველ ადგილს “ქართული ოცნების” კანდიდატი დაიკავებს, ხოლო მეორე ადგილისთვის ბრძოლა “ნაციონალურ მოძრაობასა” და “ევროპულ საქართველოს” შორის შედგება.
„გიორგი მარგველაშვილი იმ შემთხვევაში იქნებოდა ჩვენთვის რისკფაქტორი ამ არჩევნებში, თუ მას ექნებოდა ამ არჩევნებში მეორე ადგილზე გასვლის შესაძლებლობა. თუმცა, არსებული სურათი არის ისეთი, რომ მეორე ადგილზე გასვლის ალბათობა არის ძალიან დაბალი,“ – განაცხადა ირაკლი კობახიძემ.
“გიორგი მარგველაშვილს საპრეზიდენტო არჩევნებში მიზერული შანსიც კი არ აქვს”
2018/05/08 23:42:22
ნანახია: 916 ჯერ