საქართველო და საზოგადოება დღეს ლეგალიზებისთვის მზად არ არიან- ამის შესახებ საპარლამენტო უმრავლესობის წევრმა ლევან კობერიძემ განაცხადა.
მისი თქმით, გაცილებით უფრო სხვა პრობლემებია ქვეყანაში, ვიდრე მარიხუანის ან სხვა ნარკოტიკული საშუალების ლეგალიზაციაა.
კობერიძის თქმით, ნარკოტიკული საშუალებების დაყოფა მძიმე, მსუბუქ, კლუბურ, არაკლუბურ და მარიხუანად, აბსურდულია.
„დღეს საქართველოში ის მდგომარეობაა, როცა კანონპროექტში ასახული პირადი მოხმარების დეკრიმინალიზაცია ის მაქსიმუმია, რაც უნდა გაკეთდეს. მიმაჩნია, რომ საქართველო და საზოგადოება დღეს ლეგალიზებისთვის მზად არ არიან. რეალურად, გაცილებით უფრო სხვა პრობლემები გვაქვს, ვიდრე მარიხუანის ან სხვა ნარკოტიკული საშუალების ლეგალიზაციაა. არც ერთ ნარკოტიკულ საშუალებას არ გამოვყოფ, რადგან კანონპროექტში ყველა ნარკოტიკული საშუალება ერთი რეჟიმის ქვეშ განიხილება, რაც ძალიან მკაფიო პოზიციაა”, – ამბობს კობერიძე.