“გია ვოლსკის შეფასებით, გუშინდელი „პოზიტივის ავტორი“ არ არის მხოლოდ შს მინისტრი, არამედ მთელი სახელისუფლებო გუნდი”

საპარლამენტო უმრავლესობის წევრის გია ვოლსკის შეფასებით, გუშინდელი „პოზიტივის ავტორი“ არ არის მხოლოდ შს მინისტრი გიორგი გახარია, არამედ მთელი სახელისუფლებო გუნდი. ამის შესახებ ვოლსკიმ ჟურნალისტებს გუშინ პარლამენტის წინ გამართულ აქციაზე შს მინისტრ გიორგი გახარიას ქმედების შეფასებისას განუცხადა.
„რასაკვირველია, პოზიტიურად ვაფასებ. ეს არ იყო მხოლოდ გახარიას ქმედება. ამას წინ უძღოდა მოლაპარაკებები, სტრატეგიის დაგეგმვა და პრემიერ-მინისტრთან შეთანხმებული ყველა ნაბიჯი. ასე, რომ სახელისუფლებო გუნდი არის ავტორი, რა პოზიტივიც გუშინ მოხდა. არსებობს რაღაც საკითხები, სადაც შეკითხვები დარჩა და ამ შეკითხვებს სრული პასუხი გაეცემა“, – განაცხადა ვოლსკიმ.
მისი თქმით, არა მხოლოდ ოპოზიცია, არამედ პარლამენტის ბევრი წევრი, მათ შორის უმრავლესობიდან ითხოვს შს მინისტრის მისვლას პარლამენტში და ყველას ექნება საშუალება, დასვას შეკითხვები და პასუხები მიიღოს.