დაუმთავრებელი მშენებლობების დასასრულებლად შესაძლოა შესაბამისს სამშენებლო კომპანიებს სხვადასხვა სახის, მათ შორის ფინანსური შეღავათები დაუწესდეთ. ამის შესახებ თბილისის მერის მოადგილემ ილია ელოშვილმა დედაქალაქის მთავრობის სხდომის დასრულების შემდეგ განაცხადა.
“დღეის მდგომარეობით 170-ზე მეტი დაუსრულებელი მშენებლობაა. ფაქტობრივად ეს შენობები ანტისანიტარიის ბუდეა, ასევე საფრთხისშემცველიამოქალაქეებისთვის. შესაბამისად ჩვენი ამოცანაა, მაქსიმალურად ხელი შევუწყოთ მფლობელებს, მეპატრონეებს, რათა შეძლონ ამ მშენებლობების განვითარება. ამისთვის არსებობს რამდენიმე გზა, ცენტრალური ხელისუფლებიდან ჩვენ გვექნება საშუალება, რომ გარკვეულ საგადასახადო შეღავათებზე დღგ-ს კუთხით ვისაუბროთ. ამის შემდეგ შეგვეძლება გარკვეული შეღავათები სამშენებლო ფართების მომატების კუთხით განვიხილოთ”, – განაცხადა ილია ელოშვილმა.
მისი თქმით, მშენებლობების სრული ინვენტარიზაცია უკვე დასრულებულია და მერია თითოეულ შემთხვევაში ინდივიდუალურად აწარმოებს მოლაპარაკებებს, ასევე მოითხოვს გარანტიებს, რომ მშენებლობები დასრულდება, წინააღმდეგ შემთხვევაში არ არის გამორიცხული, რომ ზოგიერთ შემთხვევაში საქმე დემონტაჟამდეცმივიდეს.