სერგი კაპანაძე – შეუძლებელია ადამიანს, რომლის წინ ასეთი დანაშაული ხდება, რამე არ დაენახა

ხორავას ქუჩაზე მომხდარი მკვლელობის საქმეზე შექმნილი პარლამენტის დროებითი საგამოძიებო კომისიის თავმჯდომარის,  სერგი კაპანაძის განცხადებით, მოწმე, რომელიც ხორავას ქუჩაზე მოზარდების მკვლელობისას მანქანაში იჯდა და ხედავდა ყველაფერს, რაც მის წინ ხდებოდა, დეტალებზე არ საუბრობს.
“დავკითხეთ მოწმე, რომელიც იჯდა მანქანაში და ხედავდა ყველაფერს, რაც მის წინ ხდებოდა. სავარაუდოდ, მას გაფართოებული კომისიის წინაშე ჩვენების მოცემა კიდევ მოუწევს. თვითმხილველი დეტალებზე არ საუბრობს, საამისოდ ბევრი მიზეზი შეიძლება არსებობდეს, მაგრამ ახლა რაიმეს თქმისგან თავს შევიკავებ. ამ ყველაფერთან დაკავშირებით ჩვენ ჩვენი დასკვნები გვექნება. შეუძლებელია ადამიანს, რომლის წინ ასეთი დანაშაული ხდება, რამე არ დაენახა. თვითმხილველიც აღნიშნავს, რომ ამ ჩხუბში 20-25 ადამიანი მონაწილეობდა“, – განაცხადა სერგი კაპანაძემ.