თბილისში, სვანეთის ქუჩაზე მამაკაცის ცხედარი იპოვეს. გარდაცვლილი ძაღლების ყოფილი თავშესაფრის ნანგრევებში ნახეს.
არსებული ინფორმაციით, ცხედარი მთის ზემოთ არსებული სასაფლაოდან ჩამოშლილ მიწის ნაშალს ჩამოჰყვა.
შემთხვევის ადგილის მიმდებარე ტერიტორიაზე, ერთ-ერთი ობიექტის მშენებლობაზე დასაქმებული მუშები ამბობენ, რომ ცხედარი გამვლელმა შემთხვევით იპოვა.
„ამ ობიექტზე ვმუშაობდით და ზემოთ ვიღაც ბიჭებმა დაინახეს მკვდარი ასვენიაო. გაიარა შემთხვევით და დაინახა შემთხვევით.
ვარაუდობენ, რომ სასაფლაო ჩამოიშალა ზევიდან და იქიდან არის გადმოვარდნილი”, – განაცხადა ერთ-ერთმა თვითმხილველმა.
ამ დროისთვის ადგილზე საგამოძიებო მოქმედებები მიმდინარეობს.
მამაკაცის ვინაობა ჯერჯერობით დაუდგენელია.
კომენტარები