“შახტში საქმიანობის გაგრძელება, მანამ, სანამ გამოძიება კონკრეტულ მიზეზებს არ დაადგენს, კატეგორიულად დაუშვებელია”

შახტში მოპოვებითი საქმიანობის გაგრძელება, ვიდრე გამოძიება მიზეზებს არ დაადგენს და მეშახტეთა უსაფრთხოება არ იქნება გარანტირებული, დაუშვებელია, – ამის შესახებ საპარლამენტო უმრავლესობის წევრმა, დიმიტრი ხუნდაძემ განაცხადა.
ხუნდაძე ტყიბულის მეშახტეებს სოლიდარობას უცხადებს და შახტის დირექციის გადაწყვეტილებას მიუღებელს უწოდებს.
მისი განცხადებით, შახტში მხოლოდ ტექნიკური სამუშაოები უნდა შესრულდეს, რაც მისი უსაფრთხოებისთვის გარდაუვალია.
“შახტში მოპოვებითი საქმიანობის გაგრძელება, მანამ, სანამ გამოძიება კონკრეტულ მიზეზებს არ დაადგენს და მეშახტეთა უსაფრთხოება არ იქნება გარანტირებული, კატეგორიულად დაუშვებელია. ამჟამად შესაძლებელია შახტში მხოლოდ ტექნიკური სამუშაოები შესრულდეს, რაც მისი უსაფრთხოებისთვის გარდაუვალია. სხვა შემთხვევაში ვინ არის პასუხისმგებელი, რომ ტრაგედია კიდევ არ დატრიალდება?“,- განაცხადა დიმიტრი ხუნდაძემ.