“ ოპოზიციას ერთადერთი ამოცანა აქვს, რომ მოხდეს „ქართული ოცნების“ თავმჯდომარის პიროვნული დისკრედიტაცია”

მიუხედავად იმისა, რომ ბიძინა ივანიშვილის ინტერვიუ იყო ძალზე კრიტიკული მთავრობის საქმიანობისადმი, კვლავაც გრძელდება ხელმოცარული და უპერსპექტივო ოპოზიციის მხრიდან პერსონალურად მის მიმართ იერიშის მიტანა, – ამის შესახებ საქართველოს პრემიერ-მინისტრმა, მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა.
მისივე თქმით, მთავრობა მზად არის მოისმინოს კრიტიკა იმ რეფორმებთან დაკავშირებით, რომელსაც ახორციელებს, თუმცა ხელისუფლება ამას ვერ ისმენს.

“მიუხედავად იმისა, რომ ბიძინა ივანიშვილის ინტერვიუ იყო ძალზე კრიტიკული მთავრობის საქმიანობისადმი, კვლავაც გრძელდება ხელმოცარული და უპერსპექტივო ოპოზიციის მხრიდან პერსონალურად მის მიმართ იერშის მიტანა. ზოგადად, ასეთი თავდასხმები და შეურაცხყოფები არაკონსტრუქციული ოპოზიციის ძირითადი ხელწერაა. ჩვენ ვერ მოვისმინეთ შეინაარსობრივი არგუმენტაცია იმ საკითხებზე, თუ რაში არ შეიძლება დაეთანხმო ადამიანი იმ მნიშვნელოვან აქცენტებს, რომელიც გააკეთა პარტიის თავმჯდომარემ თავის გამოსვლაში. შესაბამისად, ჩვენს ოპოზიციას დღეს აქვს ერთადერთი ამოცანა, რომ მოხდეს პარტიის თავმჯდომარის პიროვნული დისკრედიტაცია საზოგადოების თვალში, რაც წარუმატებელი იქნება“, – განაცხადა მამუკა ბახტაძემ.