„ლეიბორისტული პარტიის“ ახალგაზრდული ფრთის წევრებმა ცესკო-ში შალვა ნათელაშვილი პრეზიდენტობის კანდიდატად დაარეგისტრირეს.
„ლეიბორისტული პარტიის“ ახალგაზრდული ფრთის წარმომადგენლის, მიხეილ ქუმსიშვილის შეფასებით, ნათელაშვილი არის კანდიდატი, რომელიც ქვეყანას სჭირდება. ინფორმაციას 1tv ავრცელებს.
„დღეს შემოვიტანეთ ყველა საჭირო დოკუმენტაცია ცენტრალურ საარჩევნო კომისიაში იმასთან დაკავშირებით, რომ შალვა ნათელაშვილი იყოს ოფიციალურად საპრეზიდენტო კანდიდატი. მას აქვს მხარდაჭერა ახალგაზრდებისგან, ასევე სხვა საზოგადოებრივი ფენებისგან, რადგან ყველას გვაქვს გააზრებული, რომ ის არის ერთადერთი ადამიანი, ვისაც დღეს შეუძლია დაასრულოს და წერტილი დაუსვას ივანიშვილის ოლიგარქიულ სისტემას”, – განაცხადა მიხეილ ქუმსიშვილმა.
კომენტარები