“ჩვენ არავის ვებრძვით”, – ასე გამოეხმაურა თბილისის მერი კახა კალაძე რუსეთის პრემიერ-მინისტრ, დიმიტრი მედვედევის განცხადება, რომელის მიხედვითაც, საქართველოს ნატო-ში გაწევრიანების შემთხვევაში მძიმე შედეგები დადგება. როგორც დედაქალაქის მერმა აღნიშნა, საქართველო ყველა ნაბიჯს საკუთარი ინტერესებიდან გამომდინარე დგამს.
“ჩვენ არავის ვებრძვით. ნაბიჯები, რომელსაც დგამს საქართველო, ჩვენი ქვეყნის ინტერესებიდან გამომდინარეა“, – განაცხადა კახა კალაძემ.
შეგახსენებთ, რუსეთის პრემიერ-მინისტრ დიმიტრი მედვედევის თქმით, საქართველოს ნატო-ში შესვლა კატასტროფული შედეგებით დასრულდება. „ჩრდილოატლანტიკურ ალიანსში საქართველოს შესვლამ შესაძლოა, საშინელი კონფლიქტის პროვოცირება გამოიწვიოს. გაუგებარია, რა საჭიროა ეს ყველაფერი“,- განაცხადა მედვედევმა რადიო „კომერსანტ FM“-თან ინტერვიუში.