სალომე ზურაბიშვილი – სასახლესთან დაკავშირებით ჩემი აზრი უკვე დავაფიქსირე, ჟურნალისტებმა ცოტა ტვინი გაანძრიეთ

პრეზიდენტობის დამოუკიდებელმა კანდიდატმა, სალომე ზურაბიშვილმა ჟურნალისტებს ტვინის განძრევისკენ მოუწოდა, რადგან როგორც მან აღნიშნა, პრეზიდენტად არჩევის შემთხვევაში, რომელ სასახლეში განთავსდება, ამაზე უკვე დააფიქსირა საკუთარი მოსაზრება.
მისივე თქმით, ორბელიანის სასახლე სრულიად საკმარისია.
„სასახლესთან დაკავშირებით, ჩემი აზრი უკვე დავაფიქსირე. ხვალ, ვრცელ გამოსვლაში, სადაც ყველაფერზე იქნება საუბარი, ამ თემაზე ჩემს პოზიციას გავიმეორებ, მაგრამ უკვე არის ნათქვამი და ჟურნალისტებმა ცოტა ტვინიც გაანძრიეთ და ჩაიხედეთ, სად არის ნათქვამი. მე ვთქვი, რომ ჩემთვის სრულიად შესაბამისია ორბელიანების სასახლე, მე ძალიან კომფორტულად ვგრძნობ თავს ასეთი ტიპის სასახლეში. მე ისიც ვთქვი, რომ ჩემ სახლში ვიცხოვრებ. ჩემი სახლიდან ფეხით ვივლი და ესეც არის ახალი ფორმა პრეზიდენტობის”, – განაცხადა სალომე ზურაბიშვილმა.