დღეს, აშშ-ის საზღვარგარეთის კერძო ინვესტიციების კორპორაციის (OPIC) ვიცე-პრეზიდენტს, დევიდ ბოჰიგიანს შევხვდი. OPIC-ის დაფინანსებითა და მხარდაჭერით საქართველოში არაერთი მრავალმილიონიანი ინვესტიციაა განხორციელებული. შეხვედრისას ვისაუბრეთ ანაკლიის პორტის მნიშვნელობაზე. საუბრის დროს აღინიშნა, რომ აუცილებელია საქართველოს ტურიზმის, ლოგისტიკისა და სატრანსპორტო სექტორის მიმართულებით განხორციელდეს დამატებითი კერძო ინვესტიციები, რათა მოხდეს ხარისხიანი სერვისების და მოსახლეობაზე ორიენტირებული ეკონომიკური მოდელის ფორმირება.
შეხვერისას ასევე ხაზი გაესვა იმას, რომ მდგრადი და ყოვლისმომცველი ეკონომიკური ზრდისათვის აუცილებელია ინვესტიციები ჯანდაცვისა და ტექნოლოგიურ სფეროებშო, რა მიმართულებითაც OPIC-ი უკვე ამუშავებს რამდენიმე საინტერესო პროექტს.
მათი განცხადებით, საჯარო და კერძო თანამშრომლობის სააგენტოს შექმნით საქართველოში დაიწყება სრულიად ახალი საინვესტიციო ტალღა, რომელიც ბევრ წამყვან კომპანიას მოიზიდავს ქართულ ბაზარზე.